| शुक्रवारी सनरायर्झस हैद्राबाद आणि मुबई इंडीयन्स यांच्यातील सामना पार पडला. मात्र हा सामना हैद्राबादचा यंदाच्या आयपीएलचा शेवटचा सामना ठरला. त्यामुळे हैद्राबाद संघाचा कॅप्टन राहिलेला डेविड वार्नर हा भावूक झाल्याचं पाहायला मिळालं. त्याने इन्स्टाग्रामवरून हैद्राबादच्या चाहत्यांसाठी एक भावनिक संदेश देखील लिहिला आहे.

डेविड वार्नरने त्याच्या पोस्टमध्ये लिहिलं आहे, तुम्ही दिलेल्या आठवणींसाठी धन्यवाद. आमच्या संघाला 100 टक्के कामगिरी करण्यासाठी आमच्या संघाला उर्जा देणाऱ्या चाहत्यांचेही आभार. तुम्ही दिलेल्या पाठींब्यासाठी आभार मानायला माझ्याकडे शब्द नाहीत. माझ्या कुंटूबांला आणि मला तुमची खूप आठवण येईल असं, वार्नरने पोस्टमध्ये लिहिलं होतं.

हैद्राबाद प्लेऑफच्या आव्हानातून आधीच बाहेर पडल्याने हैद्राबादने शुक्रवारी झालेल्या सामन्यात युवा खेळांडून संधी दिली होती. अनेक नवीन खेळाडूंना त्यामुळे खेळण्याची संधी मिळाली. त्यामुळे वार्नरसह अनेक खेळाडूंना शुक्रवारी हॉटेलवरचं थांबावं लागलं होतं.

यंदाच्या आयपीएलमधून तर हैद्राबाद बाहेर पडलं आहे. त्यामुळे यंदा आयपीएलंच विजेतेपद मिळवण्याची संधी हैद्राबादन गमावली आहे. मात्र 2016 साली डेविड वार्नरच्या नेतृत्वाखाली हैद्राबादने आयपीएलचं विजेतेपद आपल्या नावी केलं होतं.