‘भाभीजी घर पर हैं’ फेम सौम्या टंडन ही छोट्या पडद्यावरील लोकप्रिय अभिनेत्रींपैकी एक आहे. सौम्या सोशल मीडियावर सक्रिय असल्याचे दिसते. सोशल मीडियवर फोटो आणि व्हिडीओ शेअर करत सौम्या चाहत्यांच्या संपर्कात राहते. सोम्याला क्लासिकल डान्स प्रचंड आवडतो. त्याचे अनेक व्हिडीओ ती सोशल मीडियावर शेअर करताना दिसते. आता देखील तिचा असाच एक व्हिडीओ सोशल मीडियावर प्रचंड व्हायरल झाला आहे.
सौम्याने तिच्या इन्स्टाग्राम अकाऊंटवरून हा व्हिडीओ शेअर केला आहे. या व्हिडीओत सौम्या बॉलिवूडची बेबो करीना कपूरच्या ‘जब वी मेट’ या चित्रपटातील ‘आओगे जब तुम ओ साजना’ या गाण्यावर डान्स करताना दिसत आहे. या गाण्यावर ती क्लासिकल डान्स करताना दिसते. सौम्याने पांढऱ्या रंगाचा ड्रेस परिधान केला आहे. सौम्या यात अप्रतिम दिसत आहे. हा व्हिडीओ शेअर करत ‘मुंबईतील या सुंदर वातावरणात माझं एक आवडतं गाणं’, अशा आशयाचे कॅप्शन सौम्याने दिले आहे. सौम्याचा हा व्हिडीओ प्रचंड व्हायरल झाला असून तिच्या चाहत्यांनी यावर कमेंट करत सौम्याची स्तुती केली आहे.
सौम्याने ‘भाभीजी घर पर हैं’ या मालिकेत अनीता भाभीची भूमिका साकारली होती. गेल्या ५ वर्षांपासून ती ही भूमिका साकारत होती. तर गेल्या वर्षी सौम्याने ही मालिका सोडली. सौम्याने ‘ऐसा देस है मेरा’ या मालिकेतून छोट्या पडद्यावर पदार्पण केले होते. तर ‘जव बी मेट’ या चित्रपटात सौम्याने करीना कपूरने साकारलेल्या गीतच्या बहिणीची भूमिका साकारली होती. या नंतर तिने ‘कॉमेडी सर्कस’, ‘डांस इंडिया डांस’सारख्या रिअॅलिटी शोचे सुत्रसंचालन केले आहे. मात्र, सौम्याला खरी लोकप्रियता ही ‘भाभीजी घरपर है’ या मालिकेतून मिळाली होती.