अभिनेत्री पाखी हेगडे ही भोजपुरी चित्रपटसृष्टीतील लोकप्रिय अभिनेत्रींपैकी एक आहे. पाखीचे लाखो चाहते आहेत. पाखीने तिच्या डान्स आणि अभिनयाने प्रेक्षकांची मने जिंकली आहेत. पाखी तिच्या ग्लॅमरस फोटोंमुळे नेहमीच चर्चेत असते. पाखी सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत ती चाहत्यांच्या संपर्कात राहते. नुकताच एक व्हिडीओ पाखीने सोशल मीडियावर शेअर केला आहे.

पाखीने तिच्या इन्टाग्राम अकाऊंटवरून एक व्हिडीओ शेअर केला आहे. या व्हिडीओत पाखीच्या चेहऱ्यावर जखम झाली असून तिच्या चेहऱ्यावर आणि कपड्यांवर रक्त असल्याचे दिसत आहे. तर पाखीने पांढऱ्या रंगाचा ड्रेस परिधान केला आहे. हा व्हिडीओ शेअर करत, ‘चित्रपटाच्या चित्रीकरणा दरम्यान’, अशा आशयाचे कॅप्शन पाखीने दिले आहे. हा व्हिडिओ पाखीच्या दाक्षिणात्य चित्रपटाच्या चित्रीकरणा दरम्यानचा आहे. हा व्हिडीओ ५३ हजार पेक्षा जास्त लोकांनी पाहिला आहे. हा व्हिडीओ सोशल मीडियावर प्रचंड व्हायरल झाला आहे.

पाखीने आता पर्यंत कन्नड, मराठी चित्रपटांमध्ये काम केले आहे. ‘बैरी पिया’ या चित्रपटातून पाखीने भोजपुरी चित्रपटसृष्टीत पदार्पण केले होते. मात्र, तिला खरी लोकप्रियता ‘रिक्शावाला आई लव यू’ने दिली.