अभिनेता अंकित मोहनच्या घरी नुकतंच एका नव्या पाहुण्याचे आगमन झाले आहे. त्याची पत्नी अभिनेत्री रुची सवर्ण हिने एका गोड मुलाला जन्म दिला आहे. अंकितने सोशल मीडियावर पोस्ट करत याबाबतची माहिती दिली आहे. खास पोस्ट शेअर करत त्यांनी ही आनंदाची बातमी चाहत्यांना दिली आहे. यानंतर अनेक सेलिब्रिटींनी कमेंट करत त्यांना शुभेच्छा दिल्या आहेत.

अंकितने इन्स्टाग्राम अकाऊंटवर एक स्टोरी पोस्ट केली आहे. यात त्याने वेलकम होम…Boy असे लिहिले आहे. तर त्यानंतर दुसरी एक पोस्ट शेअर करत त्याने चाहत्यांचे आभार मानले आहे. “आम्हाला इतके प्रेम आणि आशीर्वाद देणाऱ्या सर्वांचे खूप खूप आभार. आता आमच्या कुटुंबातील आणखी एका सदस्याला तुमचे सर्वांचे प्रेम मिळत आहे. रुची सवर्ण तुलाही खूप प्रेम,” असे त्याने या पोस्टमध्ये म्हटले आहे.