मुंबई: नवं वर्ष नव्या मालिकांचा खजिना घेऊन आलंय. ‘सोनी मराठी’वर (sony marathi) एक नवी मालिका येतेय. त्याचा प्रोमो सध्या रिलीज झालाय. ‘बॉस माझी लाडाची’ (boss majhi ladachi) ही जरा हटके प्रेमाची गोष्ट येत्या काही दिवसात सोनी मराठीवर पहायला मिळणार आहे. या मालिकेत अभिनेत्री भाग्यक्षी लिमये, (bhagyashree limaye) मनवा नाईक, (manava naik) रोहिणी हटंगडी, (rohini hattangady) गिरीश ओक, (girish oak) आणि आयुष संजीव (ayush sanjiv) हे कलाकार पहायला मिळणार आहेत.
मालिकेची गोष्ट काय आहे?
‘बॉस माझी लाडाची’ या मालिकेची गोष्ट नवरा बायकोच्या प्रेमाची आणि बॉस आणि इंम्प्लॉइच्या अवखळ भांडणाची आहे. भाग्यत्री या मालिकेत बॉसच्या भुमिकेत आहे तर आयुष आर्किटेकची भूमिका साकारतोय. तसंच ही फक्त या दोघांची गोष्ट नाही तर ही एका कुटुंबाची गोष्ट आहे.
भाग्यश्री लिमयेने ‘घाडगे अॅंण्ड सून’ (ghadage and sun) या मालिकेतून अभिनय क्षेत्रात पदार्पण केलं. या मालिकेत तिनं अमृता हे पात्र साकारलं होतं. त्यानंतर सध्या ती भाडिपसोबत काम करतेय. भाडिपमधल्या तिच्या आभिनयाने ती सगळ्यांचीच मनं जिंकून घेतेय. येऊ घातलेल्या ‘बॉस माझी लाडाची’ या मालिकेचा प्रोमो तिने इन्स्टाग्रामवर शेअर करत ‘रोज नवी ठिणगी वादाची’ असं कॅपशन दिलंय. त्यामुळे बॉस-सहकाऱ्यातली भांडणं आणि नवरा बायकोचं प्रेम प्रेक्षकांना किती भावतं, हे पहावं लागेल.
सोनी मराठीने आपल्या इन्स्टग्रामवर या मालिकेचा प्रोमो शेअर केला आहे. ‘रोज नवी ठिणगी वादाची’ ही या मालिकेची टॅग लाईन आहे.