मराठी चित्रपटांसोबतच हिंदी वेब सीरिजमध्ये आपल्या दमदार अभिनयाची छाप सोडणारी अभिनेत्री प्रिया बापटने नुकतंच एक फोटोशूट केलं आहे. डेनिम जॅकेट आणि डेनिम जीन्सवर तिने हे फोटोशूट केलं असून त्यावर चाहत्यांकडून लाईक्स आणि कमेंट्सचा वर्षाव होतोय.
प्रसिद्ध फोटोग्राफर तेजस नेरूरकरने प्रियाचं हे फोटोशूट केलं आहे. या फोटोंमध्ये प्रियाचा बोल्ड अंदाज पहायला मिळतोय. हृता दुर्गुळे, जितेंद्र जोशी, आदिनाथ कोठारे यांसारख्या कलाकारांनी प्रियाच्या या फोटोशूटचं कौतुक केलं आहे.
'आता काय ऐकत नाय आपन', अशी मजेशीर कमेंट जितेंद्र जोशीने केली आहे. शॉर्ट मेसी हेअर, न्यूड मेकअप आणि त्यावर डेनिमची फॅशन असा हा तिचा लूक आहे. या फोटोंच्या कॅप्शनमध्ये प्रियाने फोटोग्राफर तेजसला 'जादूगार' असं म्हटलंय.
तेजस नेरूरकरच्या प्रत्येक सेलिब्रिटी फोटोशूटमध्ये एक वेगळी थीम पहायला मिळते. अनेक मराठी कलाकार त्याच्या फोटोग्राफीच्या प्रेमात आहेत. त्याने केलेलं प्रियाचं हे फोटोशूट सध्या नेटकऱ्यांचं लक्ष वेधून घेत आहे.
याआधी प्रिया बापटच्या ब्रालेट फोटोशूटने चाहत्यांना घायाळ केलं होतं. प्रियाने नुकतीच प्लॅनेट मराठी फिल्मफेअर पुरस्कार सोहळ्याला हजेरी लावली होती. यावेळी तिच्या रेड कार्पेटवरील लूकचीही चर्चा होती. प्रियाने ऑफ शोल्डर हिरव्या रंगाचा गाऊन परिधान केला होता.