पुणे, 16 सप्टेंबर : पुण्यातील सिंहगड रोड जवळील भाऊ इंडस्ट्रीय इस्टेटमधील कंपनीला भीषण आग लागली आहे. नांदेड फाटा येथील कंपनीत ही आग लागली असून घटनास्थळी अग्निशमन दलाच्या 8 गाड्या दाखल झाल्या आहेत. आगीवर नियंत्रण मिळवण्यासाठी मोठ्या शर्थीने प्रयत्न सुरू आहेत. मिळालेल्या प्राथमिक माहितीनुसार, कंपनीत एक स्फोट झाला आणि त्यानंतर ही आग लागली. नेमकी आग कशामुळे लागली,स्फोट कशाचा झाला हे अद्याप समजू शकलेलं नाहीये. सिलिंडर किंवा केमिकलमुळे स्फोट झाला असावा अशी शक्यता वर्तवण्यात येत आहे.

कंपनीला लागलेली आग ही इतकी भीषण आहे की, आगीमुळे परिसरात धुराचे लोट पसरले आहे.