जगातील प्रत्येक व्यक्तीचे सौंदर्य हे त्याच्या केसांशी जोडून पाहिलं जातं. विशेषत: स्त्रियांचं सौंदर्य हे त्यांच्या लांबसडक केसांमुळे आणखी खुलून दिसतं. जर आपण याबद्दल बोललो तर प्रत्येकाची इच्छा असते की आपले केस जाड आणि मजबूत असावेत. म्हणूनच लोक त्यांचे केस वाढवण्यासाठी भरपूर प्रयत्न करत असतात. जेणेकरून त्यांचे केस इतरांपेक्षा सुंदर आणि निरोगी दिसावेत. सध्या सोशल मीडियावर सुद्धा एक महिला तिच्या केसांमुळेच चर्चेत आलीय. यामागे कारण सुद्धा तसंच आहे. या महिलेने चक्क तिच्या लांबसडक केसांनी स्वतःला टांगत खतरनाक स्टंट केलाय, याचा एक व्हिडीओ सध्या प्रचंड व्हायरल होतोय. हा व्हिडीओ पाहून तुम्ही सुद्धा हैराण व्हाल.
इंग्लंडमधील लिव्हरपूल इथे राहणारी क्लो वॉल्श ही एक कलाकार असून लोकप्रिय हेअर हॅंगर आहे. वॉल्श तिच्या केसांच्या मदतीने असे खतरनाक स्टंट करतेय की ते पाहून अनेक जण तोंडात बोट घालतील. खरं तर, तिने तिच्या केसांच्या मदतीने अनेक अद्भुत कला सादर केल्या आहेत. तिचं हे टॅलेंट पाहिल्यानंतर पाहणारे केवळ पाहतच राहतात. क्लो वॉल्श ही तिचे केस एका हुकमध्ये अडकवून तिचे संपूर्ण शरीर टांगत ठेवून हवेत तरंगण्याचा खतरनाक स्टंट करते. यादरम्यान असे अनेक कलाकुसरी प्रेक्षकांना दाखवले जातात ज्यावर लोक टाळ्या वाजवताना थकत नाहीत.
पाहा व्हायरल व्हिडीओ :
याबाबत बोलताना क्लो वॉल्श म्हणाली की, “लहानपणापासूनच त्यांना डान्सची खूप आवड होती. म्हणूनच जेव्हा सर्कसमध्ये सामील झाली तेव्हा तिला याबद्दल अजिबात माहिती नव्हती. तिला फक्त डान्सच्या जोरावर तिथे आपली ओळख निर्माण करायची होती. तिने विद्यापीठातून डान्सची पदवीही घेतली आहे. पण तिला कधीच सर्कसमध्ये काम करावं लागेल असं वाटलं नव्हतं. मग प्रचंड मेहनत घेत तिने केसांच्या मदतीने टांगण्याचा सराव केला. जेव्हा ती अतिशय उत्तम पद्धतीने हा स्टंट करू लागली तेव्हा तिने प्रेक्षकांसमोर ही खतरनाक स्टंट सादर करण्यात सुरूवात केली.”
या खतरनाक स्टंटचा सराव करतानाचे अनेक व्हिडीओ तिने तिच्या chloejwalsh8 या इन्स्टाग्राम अकाउंटवरून शेअर केले आहेत. या व्हिडीओमधील तिचे हैराण करून सोडणारे स्टंट पाहून प्रत्येकजण आश्चर्यचकित होऊ लागले आहेत. तिच्या इन्स्टाग्रामवर हजारो लोक तिला फॉलो करत असतात. तिच्या या खतरनाक स्टंटच्या व्हिडीओखाली कमेंट्स सेक्शनमध्ये नेटकरी तिच्या टॅलेंटचं कौतुक करताना दिसून येत आहेत.