मुंबई : काही लोकांना स्टंट करण्याची भारी हौस असते. स्टंटच्या वेडापाई कोही लोक तर आपला जीवदेखील गमावून बसतात. सध्या तर अशाच एका माथेफिरु मुलाचा व्हिडीओ व्हायरल होत आहे. या तरुणाने दुचाकीवर स्टंटबाजी करण्याचा प्रयत्न केलाय.
व्हायरल होत असलेला व्हिडीओ नेमका कुठला आहे, याची माहिती मिळू शकलेली नाही. मात्र हा व्हिडीओ पाहून नेटकऱ्यांच्या काळजाचा ठोका चुकला आहे. कारण हा तरुण दुचाकीवर स्टंटबाजी करत आहे. थरारक स्टंट करुन सोशल मीडयावर प्रसिद्धी मिळवण्यासाठी तो हा स्टंट करतोय. रात्रीच्या अंधारात सुरु असलेला त्याचा हा कारनामा मात्र त्याच्याच अंगलट आलाय. बाईकवर स्टंट करताना त्याचा तोल गेलाय. ज्यामुळे तो गंभीर जखमी झाला आहे.
व्हिडीओतील तरुण रात्रीच्या अंधारात पेट्रोल पंपावर स्टंट करतोय. वेगात गाडी चावलत नंतर टर्न घेण्याच्या प्रयत्नात हा तरुण आहे. त्याची ही स्टंटबाजी दुसरा एक तरुण मोबाईल कॅमेऱ्यात कैद करत आहे. हा व्हिडीओ पाहून नेटकरी वेगवेगळ्या कमेंट्स करत आहेत. अशा प्रकारचे धाडस कोणीही करु नये असे नेटकरी म्हणत आहेत. तसेच जीवघेणा स्टंट करणे चुकीचे असल्याचेदेखील काही नेटकरी म्हणत आहेत. सध्या हा व्हिडीओ इन्स्टाग्रामवर ‘arbaaz1786’ या अकाऊंटवर पाहता येईल.