दिल्लीवरून जबलपूरला जाणारे स्पाईसजेट विमानात आलेल्या धुरामुळे विमानाला दिल्ली विमानतळावर परत लँडिंग करावे लागले. ही घटना आज सकाळी घडली.या घटनेमुळे प्रवाशांमध्ये भीतीच वातावरण पसरले . हे विमान 500 फूट उंचीवर गेले होते. त्याचवेळी विमानाच्या कॅबिन मधून धूर आल्याचे दिसून आले.  अचानक दिसून आलेल्या या  धुरामुळे  प्रवाशांमध्येही एकच गोंधळाचे वातावरण निर्माण झाले. या घटनेबाबत स्पाइसजेटच्या प्रवक्त्याने सांगितले की, सर्व प्रवाशांना सुरक्षितपणे दिल्ली विमानतळावर उतरवण्यात आले . सकाळी 6.15 वाजता या  विमानाने  उड्डाण केले होते.या घटनेचा एक व्हिडिओ सोशल मीडियावर व्हायरल झाला आहे. यामध्ये केबिनमध्ये धूर आल्याने सर्व प्रवासी वर्तमानपत्रे आणि पुस्तकांनी धूरापासून बचाव करत असल्याचे दिसून येते. अचानक आलेल्या धुरामुळे विमानातील प्रवासी देखील काही वेळासाठी घाबरून गेले होते . पायलेटने परिस्थीतीचे गांभीर्य ओळखता विमान पुन्हा दिल्ली विमानतळावर उतवरण्याची परवानगी घेतली आणि यानंतर विमानाचे पुन्हा दिल्ली विमानतळावर सुरक्षितरित्या  लँडिंग करण्यात आले. यानंतर विमानातील सर्व प्रवाशांना तात्काळ सुरक्षित बाहेर काढण्यात आले.