सोलापूर) - देश-विदेशात नववर्षाचे मोठ्या जल्लोषात स्वागत करण्यात आले आहे. बार्शी तालुक्यातील जामगाव येथील एका डोळ्याने अंध असणाऱ्या चित्रकार महेश मस्के यांच्या संकल्पनेतून नववर्षाच्या पार्श्वभूमीवर ( Welcome New Year 2022 ) कांद्याच्या शेतामध्ये '2022 हॅप्पी न्यू इयर' असा संदेश देत कलाकृती साकारली आहे. ही अनोखी कलाकृती साकारण्यासाठी त्यांना तीन तासाचा वेळ लागला. सोशल मीडियावर या कलाकृतीचे जिल्हाभरातून मोठे कौतुक होत आहे.