प्रतिनिधी, १६ जून २०२२ :- श्री शि.वि.प्र. संस्थेच्या कै. डॉ. पां.रा. घोगरे विज्ञान महाविद्यालयातील राष्ट्रीय सेवा योजना विभागामार्फत 7 जून ते 15 दरम्यान स्वच्छता सप्ताह उत्साहात साजरा करण्यात आला . कवयित्री बहिणाबाई चौधरी उत्तर महाराष्ट्र विद्यापीठ जळगाव तसेच महाराष्ट्र शासनाच्या आदेशान्वये माझी वसुंधरा उपक्रमांतर्गत सदर कार्यक्रमाची अंमलबजावणी करण्यात आली. दिनांक सात जून रोजी या स्वच्छता सप्ताहाचे महाविद्यालयाचे प्राचार्य डॉ. एम.व्ही.पाटील यांच्या शुभहस्ते उद्घाटन करण्यात आले.

    सदर कार्यक्रमात महाविद्यालय महाविद्यालयाच्या जवळपास असलेला परिसर तसेच जे विद्यार्थी खेड्यात राहतात त्यांच्या स्थानिक वस्तीतील किंवा त्यांच्या गावातील नदी पात्रात शाळा सार्वजनिक दवाखाना या ठिकाणी स्वच्छता मोहीम राबवण्यात उद्दिष्ट ठेवण्यात आले. त्या अनुषंगाने दिनांक 10 ,11,12,13 जून रोजी राष्ट्रीय सेवा योजनेच्या 56 विद्यार्थ्यांनी महाविद्यालयाचा परिसर, महाविद्यालयातील प्रयोगशाळा, ग्रंथालय, छत्रपती शिवरायांच्या पुतळ्याचा परिसर तसेच महाविद्यालयाला लगत असलेल्या वीटभट्टी परिसरात स्वच्छता मोहीम राबवण्यात आली. त्याचप्रमाणे महाविद्यालयातील जे विद्यार्थी खेड्यात राहतात त्यांनी आपापल्या गावात स्वच्छता मोहीम राबवली. त्यात वडजाई, गोंदूर, निमडाळे, बोरीस वरखेडे, कापडणे, मोहाडी, रानमळा, अवधान, तिखी, गरताड, नरव्हाळ, शिरुड बोरकुंड या गावांना स्थानिक सांस्कृतिक व क्रीडा मंडळ यांच्या सहकार्याने सार्वजनिक ठिकाणी स्वच्छता मोहीम राबवण्यात आली. सदर स्वच्छता उपक्रमाच्या यशस्वीतेसाठी राष्ट्रीय सेवा योजनेचे प्रमुख डॉ. सुनील पाटील, संभाजी पाटील व विज्ञान महाविद्यालयाचे रासेयो विद्यार्थी स्वयंसेवक जयेश बागुल, विजय पाटील, प्रमोद चौरसिया, दिव्या सावळे,हरीश देवरे, सागर पाटील,ऋषिकेश पाटील 

आदींनी प्रयत्न केले.