बॉलिवूडचा मिस्टर परफेक्शनिस्ट म्हणजेच आमिर खानचा 'लाल सिंह चड्ढा' हा चित्रपट रिलीज झाला आहे. रिलीज होण्यापूर्वीच वादात सापडल्याचा परिणाम चित्रपटाच्या कलेक्शनवर दिसून येत आहे. अपेक्षेपेक्षा कमी संकलनामुळे, मल्टिप्लेक्स पीव्हीआरचा स्टॉक खराब झाला आणि गुंतवणूकदारांची मोठी रक्कम गमावली. या चित्रपटाचा कंपनीच्या शेअरवर कसा परिणाम झाला ते समजून घेऊ.

शेअरची किंमत काय आहे: वास्तविक, आठवड्याच्या शेवटच्या ट्रेडिंग दिवशी म्हणजे शुक्रवारी, PVR च्या शेअरची किंमत 2.18% च्या तोट्याने बंद झाली. ट्रेडिंगच्या शेवटी PVR च्या शेअरची किंमत 2015.35 रुपये होती. ट्रेडिंग दरम्यान शेअरची किंमत 2004.25 रुपयांपर्यंत खाली गेली होती. बाजार भांडवलाबद्दल बोलायचे झाले तर ते 12,308.98 कोटी रुपये आहे.

विशेष म्हणजे 11 ऑगस्ट रोजी शेअरची किंमत 2150 रुपयांच्या पातळीवर गेली होती. त्याच दिवशी आमिर खानचा 'लाल सिंह चड्ढा' हा चित्रपट प्रदर्शित झाला होता. चित्रपटाची ओपनिंग रेकॉर्डब्रेक होईल, अशी अपेक्षा होती, पण उलट आता कलेक्शन कमी होत आहे. PVR चा शेअर 4 ऑगस्टलाच 2,211.55 रुपयांवर गेला होता. ही 52 आठवड्यांची उच्च पातळी आहे.

पीव्हीआरवर चित्रपटाचा परिणाम का: शेअर बाजार तज्ज्ञ सचिन सरवदे यांच्या मते, मल्टिप्लेक्स चेन पीव्हीआरने आमिर खानचा चित्रपट 'लाल सिंग चड्ढा' रिलीज करण्यासाठी करार केला होता. या डीलनुसार पीव्हीआरने आपल्या थिएटर्समधील 65 टक्के शो 'लाल सिंग चड्ढा'ला देण्याचे सांगितले होते. पीव्हीआरच्या अपेक्षेप्रमाणे या चित्रपटाला प्रतिसाद मिळालेला नाही.सचिन सरवेदे सांगतात की, प्रेक्षकांअभावी शो रद्द करण्यात आल्याच्या बातम्याही अनेक ठिकाणाहून आल्या आहेत. या सर्व नकारात्मक बातम्या कंपनीच्या शेअरला धक्का देण्यासाठी पुरेशा आहेत. याशिवाय अक्षय कुमारच्या 'रक्षा बंधन' या चित्रपटाला पीव्हीआरने 35 टक्के शो दिले आहेत. या चित्रपटाची ओपनिंगही फारशी धमाकेदार नाही.

बहिष्काराचा परिणाम : गेल्या काही काळापासून बॉलिवूड चित्रपटांवर सातत्याने बहिष्कार टाकला जात आहे. या बहिष्कार मोहिमेला 'लाल सिंह चड्ढा' चित्रपटातून धार दिली जात आहे. चित्रपटातील कलाकार- आमिर खान आणि करीना कपूर खान यांच्याशी संबंधित असे अनेक मुद्दे आहेत, ज्यांचा हवाला देऊन विरोध केला जात आहे.

मात्र, चित्रपट प्रदर्शित होण्यापूर्वीच आमिर खानने माफी मागितली आणि लोकांना चित्रपट पाहण्याचे आवाहन केले. याशिवाय या चित्रपटावर कॉपी-पेस्ट, धार्मिक भावना दुखावल्यासारखे अनेक आरोप करण्यात आले आहेत. या नकारात्मक रिव्ह्यूचा चित्रपटाच्या कलेक्शनवर परिणाम होत आहे.