आता संपूर्ण ठाकरे कुटुंबच एकनाथ शिंदे यांच्या बंडानंतर मैदानात उतरलं आहे. शिवसेना नेते आदित्य ठाकरे यांचे  संवाद दौरे आणि निष्ठा यांना चांगला प्रतिसादही मिळत आहे. तर शिवसेना पक्षप्रमुख उद्धव ठाकरे हे राज्यातील शिवसेना पदाधिकारी, कार्यकर्ते आणि आमदारांच्या बैठका घेत आहेत. रश्मी ठाकरेंनीही बंडखोरांविरोधात कंबर कसली आहे. रश्मी ठाकरे या आज मुख्यमंत्री एकनाथ शिंदेंच्या बालेकिल्ल्यात जाणार आहेत
गणेशोत्सवानंतर उद्धव ठाकरे यांचा महाराष्ट्र दौरा सुरू होणार आहे. आदित्य ठाकरे यांच्या 'निष्ठा यात्रे'नंतर उद्धव ठाकरे यांची 'महाप्रबोधन यात्रा' सुरू होणार आहे .महाप्रबोधन यात्रे'ची सांगता कोल्हापुरातील बिंदू चौकात होणार आहे.  उद्धव ठाकरे यांची पहिली गर्जना मुख्यमंत्री एकनाथ शिंदे यांच्या बालेकिल्ल्यात म्हणजेच टेंभी नाक्यावर होणार आहेत.मंगळागौरच्या कार्यक्रमाचं निमित्ताने रश्मी ठाकरे या आज ठाण्यात जाणार आहे