ठाणे : प्रख्यात दिग्दर्शक विजू माने (Viju Mane) यांनी पांडू सारख्या नर्मविनोदी चित्रपटातून प्रेक्षकांना खळखळून हसवलं आहे, तसं ‘बायोस्कोप’, ‘खेळ मांडला’, ‘गोजिरी’ यासारख्या चित्रपटांतून संवेदनशील विषय हाताळत रसिकांच्या डोळ्यात टचकन पाणीही आणलं आहे. मंगळवारी विजू मानेंनी राज्याचे नगरविकास मंत्री आणि ठाण्याचे पालकमंत्री एकनाथ शिंदे (Eknath Shinde Birthday) यांच्या काळजाला हात घातला. निमित्त होतं एकनाथ शिंदे यांच्या वाढदिवसाचं. “शिंदे साहेब तुमच्या सारखे कोणी नाही” असं म्हणज विजू माने यांनी स्वरचित कविता सादर केली. ही कविता म्हणजे एकनाथ शिंदे यांचा जीवन प्रवासच होता. माने कविता वाचत असतानाच एकनाथ शिंदेंच्या मनात आठवणींचा पट जागा झाला. जुन्या स्मृतींमध्ये हरवून जात शिंदेंच्या डोळ्यांसमोरुन आठवणी फेर धरु लागल्या आणि एकनाथ शिंदे भावूक झाले. त्यांच्या डोळ्यात कधी पाणी आलं, हे त्यांचं त्यांनाही कळलं नाही. कविता ऐकतानाच एकनाथ शिंदेंना अश्रू अनावर झाल्याचे क्षण कॅमेरात कैद झाले आहेत.
महाराष्ट्राचे नगरविकास मंत्री आणि ठाण्याचे पालकमंत्री एकनाथ शिंदे यांचा आज (9 फेब्रुवारी) 58 वा वाढदिवस. त्या निमित्ताने शिंदेंच्या कार्यकर्तृत्वाचा गौरव करणाऱ्या ‘लोकनाथ’ या गीताचे, अर्थात ध्वनिचित्रफितीचे अनावरण करण्यात आले. एकनाथ शिंदे यांचे सुपुत्र आणि शिवसेना खासदार डॉ. श्रीकांत शिंदे यांनी यांनी आप्तस्वकीयांसाठी एका कार्यक्रमाचं आयोजन केलं होतं. ठाण्यातील डॉ. काशिनाथ घाणेकर नाट्यगृह येथे हा कार्यक्रम पार पडला. यावेळी दिग्गज अभिनेते शरद पोंक्षे, बॉलिवूड अभिनेता सुनील शेट्टी, बॉलिवूड अभिनेत्री आणि शिवसेना नेत्या उर्मिला मातोंडकर, गायक-संगीतकार अवधूत गुप्ते, दिग्दर्शक विजू माने, अभिनेता प्रवीण तरडे यासारखे अनेक कलाकार आणि राजकीय नेतेही उपस्थित होते. दिग्दर्शक विजू माने यांनी यावेळी एकनाथ शिंदे यांच्यावर एक कविता सादर केली.
कुणासाठी साहेब आहात, कुणासाठी भाईकुणासाठी बाप-भाऊ, कुणासाठी आईउगा नाही जीव लावत लोक ठायी-ठायीखरं सांगतो शिंदे साहेब, तुमच्यासारखं कुणी नाही
आज तुमच्या आयुष्यात वाढलं म्हणे एक वर्षरस्तो-रस्ती, गल्लो-गल्ली ओसंडून वाहतोय हर्षजमेल तसा घेईन म्हणतो परामर्शकारण शून्यातून साम्राज्य निर्मितीचा तुम्ही एक आदर्श
माफ करा मोठ्या मनाने चुकलं जर का काहीखरं सांगतो शिंदे साहेब, तुमच्यासारखं कुणी नाही
किसननगर जागा ती, त्यातल्या त्यात एक शहरएक माणूस राबायचा दिवस-रात्र अष्टौप्रहरवीस वर्ष वयापासून सांभाळत आलात घररिक्षाचालक, रवी फिशरी, पॅकराईड बॉम्बे बिअर
राब राबताना कौतुकाने वहिनीबाईखरं सांगतो शिंदे साहेब, तुमच्यासारखं कुणी नाही
दगदग जरी किती तरी लोक यायचेच प्रश्न घेऊनतुम्ही देखील लोकांसाठी घेतलंत स्वतःला वाहूनधर्मवीर दीघे साहेबांनी हात फिरवला पाठीवरुनतुम्ही सुद्धा बाळासाहेबांना घेतलंत देव करुन
शिवसेना बनला श्वास, ध्यास पण आस मनी नाहीखरं सांगतो शिंदे साहेब, तुमच्यासारखं कुणी नाही
मोर्चे-आंदोलने रोजच होऊ लागलीमाणूस असा नव्हताच, ज्याची नड नाही भागलीसारं काही सुरळीत असताना नियती वाईट वागलीदीपेश शुभदा लेकरं हाती नाही लागली
एकामागून एक दुःख ईश्वर परीक्षा पाहीखरं सांगतो शिंदे साहेब, तुमच्यासारखं कुणी नाही
धर्मवीरांचा आदेश आला आजूबाजूला बघदुःख मागे टाक, आता लोकांसाठी जगडोळे पुसून, जरा हसून उभे राहिलात मगसमाजसेवा सवय झाली आणि शिवसैनिक नातलग
टाकीचे घाव सोसल्यावाचून देवपण येणे नाहीखरं सांगतो शिंदे साहेब, तुमच्यासारखं कुणी नाही
शाखाप्रमुख, नगरसेवक, सभागृह नेते, आमदारकॅबिनेटची मंत्रिपदे, कामगिरी दमदारपावलावर पाऊल ठेवून लेकानेही घेतला भारइंडिया टुडेत पहिल्या दहात आमच्या कल्याणचे खासदार
जनसेवेच्या झऱ्याचं पुढल्या पिढीत पाणी जाईखरं सांगतो शिंदे साहेब, तुमच्यासारखं कुणी नाही
आमचे इमले स्वप्नांचे, त्यांना वास्तव-विस्तव कुठून कळणारमागे कानावर चर्चा आली, साहेबांना खूप मोठं पद मिळणारएवढ्या वर्षांची मेहनत तुमची आता कुठे फळणारशक्तिस्थळावर एक आनंदाश्रू ढळणार
चुकलं-हुकलं आमच्याच चर्चा, तुमच्या ध्यानी-मनीही नाहीखरं सांगतो शिंदे साहेब, तुमच्यासारखं कुणी नाही
नाराजी नाही कुणाशी, खंत नाही कसलीच कशीकुठलाच कधी वाद नाही, ना विनाकारण मखलाशीभलेभले कॅमेरासमोर जेव्हा सहज पडतात तोंडघशीउठून दिसतात राजकारणात तुमच्या सारखे मितभाषी
भल्यामोठ्या भाषणाचं काम केवळ एका नजरेने होईखरं सांगतो शिंदे साहेब, तुमच्यासारखं कुणी नाही
वादळ आला, कोरोना आला, तुम्हीच पुढे जर पूर आलाएकुलता एक उपाय तुम्ही, जर कधी कुणाच्या धूर आलाकान नजर तीक्ष्ण तुमची, वेगळा जर का सूर आलातेवढ्यापुरतं वाईट वाटतं, जवळचा जर का दूर झाला
निवडून आणलेत असे दगड, ज्यांच्या कुठल्याच खाणी नाहीखरं सांगतो शिंदे साहेब, तुमच्यासारखं कुणी नाही
मी तुमचा भक्त नाही, गुलाम नाही, भाट नाहीशप्पथ सांगतो, मी उगाच गोडवे गात नाहीतुमचा वाढदिवस म्हणून खोटी नाही करत वाहवातुमच्या सारख्या लोकनेत्यांची खरंच आहे वानवा
बोलण्यासारखं खूप आहे निरंतर, निर्विवाद, थोडं थांबेन म्हणतो, मनापासून एकच सादसाहेब, तुमच्यासाठी नाही, पण आमच्यासाठी एक काम कराहात जोडून सांगतो, थोडं जास्त वेळ आराम करातुम्ही होता अॅडमिट तेव्हा सलाईन आमच्या मनाला लागतंदेवी पद्मावती, नानासाहेब मन सगळ्यांकडून करुणा भाकतंएकनाथ साहेब, एक मान आमचा राखातुमच्या शंभर वर्षांसाठी आमची काही घेऊन टाकाआई भवानी तुझ्या चरणी फक्त एकच मागणंनिरोगी आणि आनंदी कर आमच्या शिंदे साहेबांचं जगणंखरं सांगतो शिंदे साहेब, तुमच्यासारखं कुणी नाही