आजकाल नवीन फ्याड पाहायला मिळते.ज्याच्या पहावं त्याच्या  गळ्यात व कानात  वायरलेस ब्लूटूथ हेडफोन लटकताना दिसतोच. मोबाईल कानाला लावण्यापेक्षा हेडफोन लावून  संभाषण,गाणी ऐकत, व्हिडीओ पहात प्रत्येकजण आपल्या जीवाकडे थोडं दुर्लक्षच करतोय, असं म्हणायला काही वावगं नाही. पण जरा रोजच्या या धावपळीच्या जीवनात आनंद घेताना  बेसावधपणे वागणे, आपल्या जीवावर बेतू शकते. असीच एक घटना बदलापूर शहरातील संजयनगर येथे घडली असून, चिनी कंपनीचा वायरलेस ब्लूटूथ हेडफोनचा अचानक भयानक स्फोट घडला आहे.सुदैवाने कोणतीही हानी झालेली नाही.

मिळालेल्या माहितीनुसार बदलापूर शहरातील संजयनगर येथील कुटुंबाच्या घरात नेहमीप्रमाणे हेडफोन वापरून सॉकेसवर ठेवला होता.रोजच्या कामात घरातील मंडळी मग्न होती. लहान ४ वर्षाची,२ वर्षाची मुलं घरात खेळत होती. आणि अचानक त्या सॉकेसवर ठेवलेल्या वायरलेस ब्लूटूथ हेडफोनचा भयानक स्फोट होतानाचा आवाज आला. 

कुटुंबातील व्यक्ती घरात थोड्या लांब अंतरावर असल्याने सुदैवाने कोणतीही हानी झालेली नाही.

आवाज कसला झाला हे जाऊन बघितले तर तो ब्लूटूथ हेडफोनचा होता.

स्फोटची तीव्रता इतकी होती की, काहीतरी अनर्थ प्रकार घडला असता. घरात लहान लेकरंही होती. पण सुदैवाने कोणतीही हानी झाली नाही.अशाप्रकारे कुटूंबाचे नशीब बलवत्तर असल्याने अनर्थ टळला. तेव्हा गाणी ऐकताना, व्हिडीओ पाहताना, संभाषण करताना अशा उपकरणांचा जरा जपून वापर करावा.