भिवंडी : भिवंडीतील राहनाळ गावातील गौरीबाई कंपाऊंडला भीषण आग लागल्याची घटना मंगळवारी सायंकाळी उशिरा घडली. या आगीची माहिती मिळताच भिवंडी नगरपालिकेच्या दोन फायर इंजिन आणि पाण्याच्या टँकरच्या साहाय्याने आग विझवण्याचे शर्थीचे प्रयत्न सुरू आहेत. आग इतकी भीषण आहे की, त्याचा धूर आजूबाजूच्या परिसरात पसरला आहे. त्यामुळे स्थानिकांना श्वास घेण्यास त्रास होत आहे. या गोदामात ज्यूस बनविण्यासह इतर अनेक प्रकारचे साहित्य ठेवण्यात आले होते. आग कशी लागली हे अद्याप समजू शकलेले नाही.