मानसरोवर :- मानसरोवर रेल्वे स्थानका जवळ सिडकोचे वाहनतळ आहे. हे वाहनतळ जय मल्हार एंटरप्रायसेस यांना २०१८ पासून पे पार्किंग म्हणून चालवण्याचे कंत्राट देण्यात आले होते. गेल्या तीन वर्षापासून जय मल्हार एंटरप्रायसेच पे पार्किंग चालवत होते. २६ जुलै २०२१ रोजी सिडको सोबत केलेला पे पार्किंग चालवण्यात येणारा करार पार्किंगचा संपला. करारनामा संपल्याची माहिती ही माहीती अधिकारातून समोर आली आहे. तसेच सिडकोच्या वतीने त्या ठिकाणी फ्री पार्किंगचा बोर्ड सुद्धा तिथे लावण्यात आला आहे.

करारनामा संपवून ही गेल्या पाच महीन्यांपासून काही अज्ञात लोकांकडून तिथे अनधिकृतपणे पे पार्किंग चालवली जाते. या पे पार्किंग मधून महीन्याला अंदाजे किमान ३० ते ४० हजाराचा व्यवसाय होत असल्याचे निदर्शनास आले आहे. गेल्या पाच महीन्याचा जर आपण विचार केला तर लाखाच्यावर  जूमसामान्यांची लूट करून पैशाची वसुली करण्याची बाब स्पष्ट होते. सिडकोच्या वतीने शहपूरजी पालनकर यांनी या सर्व प्रकाराची तक्रार स्थानिक कामोठे पोलिस स्टेशनला केली आहे. पोलिस स्टेशनला तक्रार करून सुद्धा तिथे बिनधास्त पणे बेकायदेशीर रित्या पे पार्किंग व्यवसाय सुरु आहे यामुळे कुठेतरी पोलिसांच्या कामगिरीवरही संशयाची सुई फिरताना दिसत आहे.